Medicine.Uz💉💊
@medicine_uz

We wish you health Admin: @Mr_House Reklama: @GenerousRich Hamkor kanal: @Medic_uz Bizning web saytlarimiz: Avitsenna.uz DNK.uz Mymedic.uz
1195  
Medicine.Uz💉💊
2019-05-23 

1. Kamqonlikni davolash mumkin

Kamqonlik kasalligi inson hayotining barcha davrlarida nafaqat turli kasalliklarda, balki ayrim fiziologik holatlarda (homiladorlik vaqtida, organizmning o‘sishi va emizikli davrlarida) ham yuzaga keladi. Ayniqsa, yosh bolalardagi kamqonlik o‘ta ijtimoiy ahamiyat kasb etadi, chunki kamqonlik bu yoshda organizmda jismoniy rivojlanish hamda temir almashinuvining buzilishiga sabab bo‘ladi. Kamqonlikning rivojlanishi o‘smirlik va klimaks davrlar bilan, gormonal buzilishlar, ovqatlanish xarakteri, ovqat hazm qilish tizimi, buyrak kasalliklari, organizmda so‘rilish jarayonining buzilishi, autoimmun holatlar va boshqa omillar bilan bog‘liq bo‘lishi ham mumkin. Mazkur kasallik ko‘pincha ichki, infeksion va onkologik kasalliklarning hech narsaga bog‘liq bo‘lmagan simptomi ham hisoblanadi.
Akusherlik va ginekologiya sohasidagi eng katta muammolardan biri kamqonlik holati bo‘lib, bemorlarning qariyb 90 foizida aynan shu kasallik qayd etiladi. Ular ichida temir tanqisligi kamqonligi (TTK) juda keng tarqalgan bo‘lib, u har 10 nafar homilador ayoldan 9 nafarida uchraydi. U nafaqat bo‘lajak ona sog‘ligi uchun, balki homila va tug‘ilajak go‘dak salomatligi uchun ham o‘ta xavflidir. TTK organizmda temir moddasining yetishmasligi bilan bog‘liq. Temirning yetishmasligi esa organizmda dastlab bir qancha trofik buzilishlarga (terining qurishi, tirnoq yorilishi, soch to‘kilishi kabi) sababchi bo‘lib, unda temir saqlovchi to‘qima nafas fermentlari faoliyati yomonlashadi, keyin gemoglobin hosil bo‘lishi buziladi va gipoxrom kam- qonlik rivojlanadi. Katta yoshdagi insonlar temir moddasini asosan, surunkali qon ketishlarda yo‘qotadilar, yosh bolalarda esa ona organizmidagi temir tanqisligi sababli uning yetarlicha bola organizmiga o‘tmasligidandir. Shuningdek, o‘n ikki barmoqli va oshqozon yarasi kasalligida, gemorroy, bachadon miomasida, patologik menstrual ko‘p qon yo‘qotishlar natijasida temir tanqisligi vujudga keladi. TTKning asosiy belgilari umumiy holsizlik, ich qotishi, bosh og‘rig‘i, ta’m bilishning buzilishi, tirnoqlarning qiyshayishi va sinishi, soch to‘kilishi kabilar hisoblanadi. Kamqonlikning ushbu turi gemoglobin va eritrotsitlar miqdorining qonda kamayib ketishi, rangli ko‘rsatkichning 0,8 dan pastligi, eritrotsit shakl va o‘lchamlarining o‘zgarishi, qon zardobida temir miqdorining kamayib ketishi, zardobning ferritin va oqsillar bilan bog‘lanish qobiliyatlarining pasayib ketishi bilan xarakterlanadi. Kamqonlik kasalligida uzoq vaqt temir saqlovchi antianemik preparatlarni berish, ayniqsa og‘iz orqali qabul qilish samaralidir.
Kamqonlikni to‘g‘ri davolash uchun dastlab uning kelib chiqish sababi va turini aniqlash lozim. Ko‘p hollarda bularni aniqlamasdan antianemik preparatlar va tadbirlar (temir preparatlari, sianokobalamin, pirodoksin, qon quyish) tavsiya etilishi preparatlar samaradorligining pasayib ketishiga, kasallikning yashirin shaklda uzoq vaqt saqlanishi hamda bemor ahvolining umumiy yomonlashuviga olib keladi. Yuqoridagilarga ko‘ra xulosa qilish mumkinki, kamqonlik bugungi kunda juda keng tarqalgan polietiologik sindromlardan biridir. Bu kasallikni temir saqlovchi preparatlar o‘rniga turli xil vitaminlar va mikroelementlar bilan davolash yaxshi natija bermaydi.
Og‘iz orqali asosan 2 va 3 valentli temir preparatlari qo‘llaniladi. Keyingi paytlarda ferlatum (temir-protein kompleksi) keng qo‘llanila boshladi. Kamqonlik kasalligini asoratsiz davolash uchun temirning o‘zlashtirilishini yengillashtiruvchi qo‘shimcha komponentlar qo‘shib berish maqsadga muvofiqdir, masalan sistein (irradian preparatida), askorbin kislota (ferropleks, fenyuls, Ferro-folgamm), yantar kislota (konferon), fumar kislota (xeferol), foli kislota (ginotardiferon, Ferro-folgamm) kabilarni misol tariqasida keltirish mumkin. Ammo shuni alohida ta’kidlash joizki, yuqorida keltirilgan antianemik preparatlarning ko‘pchiligi xorijiy preparatlar hisoblanib, ular iqtisodiy jihatdan ancha qimmat bo‘lib, ko‘pchilik bemorlar uchun noqulayliklar tug‘diradi.
@medicine_uz
Medicine.Uz💉💊
2019-05-21 

@Medicine__uz : ​Uyqusiz tundan keyin qanday qilib tez tiklanish mumkin?

Tunda ishlash yoki uyqusizlik natijasi ertalab tashqi ko‘rinishingizdan bilinib turadi – ko‘zlarning tagi qoraygan, yuz shishgan va so‘lg‘in qiyofa.
Uyqusiz o‘tgan kechadan keyin sog‘lom va bardam bo‘lib ko‘rinish uchun nima qilish kerak?
@medicine_uz
Dush qabul qiling
Horg‘in qiyofa bilan kurashishning eng samarali usuli dush qabul qilish yoki yuzni avval iliq, keyin esa sovuq suvda yuvish. Haroratning keskin o‘zgarishi sizga bardamlik baxsh etadi va qon aylanishini yaxshilaydi.
@medicine_uz
Teringizni namlantiring
Uyqusiz tundan keyin yuz terisi qonsiz va xira tus oladi. Bundan qutulish uchun yuzga namlantiruvchi matoli niqob qilishni maslahat beramiz. Bu terini tetiklantirish va namlantirishning tez va samarali usullaridan biri: 15 daqiqa ichida teringiz ham namlanadi va ham oziqlanadi. Agar uyingizda matoli niqob yo‘q bo‘lsa, bir bo‘lak muz oling va u bilan yuzingizni ishqalang. Keyin esa yuzingizni quruq sochiq bilan arting va namlovchi krem suring.
@Medicine_uz
Shishlardan va ko‘z ostidagi qora dog‘lardan qutuling
Bunday vaziyatda ko‘zlar uchun patchlar yordam beradi. Ularni ko‘zlaringiz atrofida 10-15 daqiqa ushlab turing – shishlar tezlikda yo‘qoladi. Agar uyingizda bu vosita bo‘lmasa, unda bodring yoki paketchalardagi ko‘k choydan foydalansangiz ham bo‘ladi.
@medicine_uz
To‘g‘ri makiyaj qiling
Albatta, yuzni tetiklantirish va namlantirishdan tashqari uyqusiz kechadan keyin to‘g‘ri makiyaj qilishni ham bilishingiz kerak. Yorqin va turli xil ranglarning o‘rniga pastel va iliq tuslardan foydalanganingiz ma’qul. Kosmetik vositalarini ishlatishdan oldin yuzingiz terisiga tarkibida yorug‘likni qaytaruvchi zarrachalar bo‘lgan krem suring, u yuzingizga sog‘lom va tetik ko‘rinish bag‘ishlaydi.
Avitsenna.uz
@medicine_uz
Admin: @Mr_House
Do'stlarga ham ulashing:
https://t.me/joinchat/AAAAAD9TtCI1yhcR8RNaOg
Medicine.Uz💉💊
2019-05-20 

🌸🌸 ​​​**Жинсий йўл билан юқадиган касалликлар (ЖЙЮК)** 🌸🌸

Жинсий йўл билан юқадиган касаллик (ЖЙЮК)лар бир одамдан бошқа одамга асосан жинсий алоқа орқали юқади. ЖЙЮК ҳар қандай жинсий фаол бўлган эркак ёки аёлга ёши, ирқи ёки ижтимоий мавқеидан қатъий назар юқиши мумкин. Кишининг жинсий шериклари сони қанча кўп бўлса, унга ЖЙЮК юқиш хавфи шунчалик юқори бўлади.
Бугунги кунгача дунё бўйича йигирмадан ортиқ ЖЙЮК тури аниқланган. Уларнинг ичида энг кўп учрайдиганлари – бу сўзак (гоноррея), захм (сифилис), трихомоноз, хламидия, генитал герпес (пуфакли лишай), генитал сўгаллар (ўткир учли кандилома) ва ОИТВ/ОИТСдир.
ЖЙЮКлар вақтида аниқланиб, даволанмаса, жиддий оқибатларга олиб келишлари мумкин. Баъзи ЖЙЮК турлари бепуштлик, бачадон саратони, кўрлик, юрак хасталиклари, руҳий касалликлар, бўғимларнинг шикастланиши ва ҳатто ўлимга ҳам олиб келиши мумкин. Шу нарса истобланганки, ЖЙЮК билан касалланган одамда ОИТВ/ОИТС касаллигини юқтириб олиш хавфи юқорироқ бўлади.
Одам ЖЙЮК билан касалланганда қуйидаги белгилар кузатилиши мумкин:
– қин, олат ёки йўғон ичакдан ғалати ажралмалар чиқиши;
– сийганда ёки жинсий алоқа пайтида оғриқ ёки ачишиш;
– эркакларда моякнинг оғриши;
– жинсий аъзолар ёки оғиз атрофида пўрсилдоқ, ярача, сўгал ва тошмаларнинг пайдо бўлиши ёки шишиб кетиши;
– иситма, бош оғриғи, мушакларни оғриши ва қовуқ, қўлтиқ ёки бўйин безларининг шишиб кетиши.
Аксарият ЖЙЮК турларининг белгилари бошланғич даврда яққол кузатилмайди, шунинг учун ЖЙЮК билан касалланган одам бутунлай соппа-соғ бўлиб кўриниши мумкин.
ЖЙЮК билан касалланганликни аниқлашнинг ягона йўли тиббий кўрикдан ўтиш ва лаборатория таҳлилларини (анализ) ўтказишдир. Баъзан белгилар ўз-ўзидан йўқолиб кетиши мумкин, лекин бу касаллик ҳам ўтиб кетди дегани эмас. Касалликдан одам охиригача даволанмаса, касаллик одам организмида қолади ва бошқа одамга ўтиши мумкин. Агар бирор киши ЖЙЮК билан касалланган бўлса, у ўз жинсий шериги билан тиббий кўрикдан ўтиши ва даволаниши лозим, акс ҳолда улар бир-бирларига касалликни яна юқтиришилари мумкин.
ЖЙЮКлар қандай тарқалади?
Аксарият ЖЙЮКлар жинсий алоқа орқали тарқалишига қарамасдан уларнинг баъзилари бошқа йўллар билан ҳам юқиши мумкин, жумладан:
– касалланган одам терисига тегиш;
– касалланган одамнинг қони, сўлаги, қин ажралмаси ёки эркак уруғи каби тана суюқликлари орқали;
– ишлатилган ёки нотўғри стерилланган игна, шприц ёки тиббий асбоблар орқали юқиш мумкин, агар улар касалланган тана суюқликларига теккан бўлса;
– баъзи ЖЙЮКлар онадан болага ҳомиладорлик ва туғруқ пайтида ўтиши ва болада жиддий касалликларни келтириб чиқариши мумкин.
@Medicine_uz
ЖЙЮКларнинг олдини олиш
ЖЙЮКларнинг олдини олишнинг энг яхши йўли жинсий алоқададан сақланишдир. Лекин ЖЙЮКларнинг олдини олиш ёки касаллик юқтириб олиш хавфини камайтиришнинг бошқа йўлари ҳам бор:
– фақатгина сизга содиқ бўлган одам билан жинсий ҳаёт кечириш;
– биттадан кўпроқ жинсий шериги бўлган одам билан жинсий алоқада бўлганда, ҳар доим презервативдан фойдаланиш;
– жинсий ҳаётни бошлашни иложи борича кечиктиришга ҳаракат қилиш, чунки жинсий ҳаётни бошлаганда одам қанчалик ёш бўлса, ЖЙЮКларга мойиллик шунчалик юқори бўлади.
@Medicine_uz
ЖЙЮКларни даволаш
Одамлар кўпинча ЖЙЮКни даволаш учун тиббиёт ходимларга мурожаат қилишдан кўрқишади ёки уялишади, ваҳоланки ЖЙЮКларнинг аксариятини даволаса бўлади.
Касалланган одам шифокорга қанчалик эрта мурожаат қилса, касалликнинг тузатиб бўлмайдиган оқибатлари ва ЖЙЮКлар тарқалишининг олдини олиш шунчалик осон бўлади.
Хламидия, сўзак ва захм касалликлари бактериал инфекциялардан келиб чиқади ва уларни антибиотиклар ёрдамида даволаш мумкин. Лекин генитал герпес, генитал сўгаллар ва ОИТВ/ОИТС каби бошқа ЖЙЮКлар вируслардан келиб чиқади ва буларни даволаб бўлмайди. Лекин баъзи дорилар ёрдамида бу касалликлар асоратини енгиллаштириш ва белгиларнинг пайдо бўлишини кечиктириш мумкин. Одам ўзини ЖЙЮК билан касалланганлигига шубҳа қилса, касалланганлигини тиббий кўрикдан ўтиб, аниқлаши керак. Бу билан у жинсий шеригининг ЖЙЮК билан касалланишининг олдини олиши мумкин.
👨‍⚕ @Tibbiyot_Sirlari
@Medicine_uz
Medicine.Uz💉💊
2019-05-19 

Хурматли саховатпеша дустлар. Бу канал 16 ёшли кизалогим Мухлисахон учун йулга куйдим. У огир хаста:

тугма ахондодисплазия яъни тугма таянч-харакат системаси тизимли касаллиги билан дунёга келган.
Кизим 2017 йил февраль ойида Хиндистонда бурун вам кулокларини операция килдик. 3 июльда эса умуртка операциясини утказилиб транспедикуляр винтлар куйилган эди. Айни дамда шу винтлар жойидан силжиб буртиб чикиб колган. Шу сабабли унга зудлик билан Хиндистондаги умурткаси учун 4 этапли операциясини килдиршимиз керак. Операция учун уртача 50.000$ атрофида пул маблаги керак
Мен оилам билан кизимни хаётини саклаб колиб, оёкка туриб кетишида сизнинг кумагингизга дуоларингизга мухтожмиз.
Хар кандай ёрдамингиз биз учун имкон.
Ёрдам бермокчи булган сахий инсонларимиз учун:
Отаси: Нуритдинов Рашиджон Каримжонович +99897 7619838
Онаси: Нуритдинова Фируза Иркиновна +99897 7549838
Пул маблагларини утказиш учун:
Ipal Yuli Banki карта ракамлари: 8600 1404 2112 1642 (сум)
Agrobank карта ракамлари:
8600 0417 1213 1003 (сум)
Visa Card ракамлари
4023 0602 2207 4006
Миллий банк хисоб ракамлари (сум)
2020 6000 1981 8909 8001
Барча карта онаси Нуритдинова Фируза Иркиновна номига расмийлаштирилган.
Азиз сахийлар, биз Мухлисахоннинг оила аъзолари сизнинг Хар кандай ёрдамингиз учун миннатдорчилик билдирамиз.
Medicine.Uz💉💊
2019-05-18 

«Diqqat Yangilik»❗️. Charchadingizmi ?! Tanangizning har qanday qismiga tugallanmas uqalash olishni hohlaysizmi?

Og’riqlarga dam bering!😍Tanangizning turli xil qismlariga maroqli va tugallanmas uqalash oling!👆
Ushbu moslamadan Uyda hamda Ofisda foydalanib maroqli hordiq olish imkoniyatiga ega bo’ling!👍
«Qulay, Yoqimli va Loyiq!»
«Sifat va Did uyg’unligi!»
Massaj Moslamasi
“Turbo Axiom”
DIQQAT Aksiya❗️
Yangi mavsumga Chegirma!👇
Faqat 6kun (18-24 May)!
🙅‍♂️- $699 O’rniga🚫
💁‍♂️- $499 ga Xarid qiling ✅
🚕- Dostavka: Be’pul ✅
Shoshiling Chegirmalar muddati Chegaralangan❗️
Murojaat uchun:👇
☎️ +998 91 170 28 68 👈
📩 @takeitnow 👈
Medicine.Uz💉💊
2019-04-28 

🍀🍀Sochlarni to‘g‘ri yuvish haqida tavsiyalar🍀🍀

Parijlik mashhur mutaxassis Kristof Robinning sochlar har doim chiroyli va sog‘lom bo‘lib turishi uchun nimalar qilish kerakligi haqida bir necha maslahatlari bilan tanishing.
@medicine_uz
🍀Birinchi qadam🍀
Yuvishdan keyin tarash oson bo‘lishi uchun boshida ularni tarang. Kristof Robin avvalo sochlarning uchini, keyin esa ildizlarini tarashni tavsiya qiladi.
@medicine_uz
🍀Ikkinchi qadam🍀
Sochlaringizning uchlariga biror-bir tabiiy yog‘ suring va ularni yana tarang. Toza bodom yoki argan yog‘lari juda mos keladi. Aslida ularni sochlaringizda bir kecha qoldirsangiz maqsadga muvofiq bo‘lar edi, lekin buni istamasangiz 15 daqiqa ham yetadi.
@medicine_uz
🍀Uchinchi qadam🍀
Sochingizning turiga mos keluvchi shampundan foydalaning.
Mutaxassisning fikricha, bo‘yalgan sochlarni yaxshisi sulfatsiz shampunlar bilan yuvganingiz ma’qul. Sulfatli shampunlarni esa bo‘yalmagan va ildizlari yog‘li bo‘lgan sochlar uchun ishlatish mumkin. Jingalak sochlilar esa ularning sochlari quruqlikka moyil bo‘lgani uchun tozalovchi konditsionerlardan foydalanishlari mumkin. Va eng asosiysi, shampunni (bir choy qoshig‘i yetarli bo‘ladi) sochning uchlariga emas balki ildizlariga surish kerak.
@medicine_uz
🍀To‘rtinchi qadam🍀
Shampunni yaxshilab yuvib tashlang. “Ko‘pchilik bu jarayonga yetarlicha vaqt sarflamaydi va yuvish vositasini to‘liq ketkazmaydi, — deydi Kristof. — Sochlar tozalikdan g‘ichirlashlari kerak”.
@medicine_uz
Medicine.Uz💉💊
2019-04-26 

🔴ЕТТИ МУЧАМ СОҒ БЎЛСИН ДЕСАНГИЗ. 1. Агар ҳар куни 3 дона ёнғоқни 1 дона олма билан есангиз, умрингиз узаяди.

Табиблар бошланишига 1 дона ёнғоқдан еб, борган сари миқдорни кўпайтиришни тавсия этишади.
2. Чекувчи ўпкасини никотиндан тозалаш учун ҳар куни бир стакан янги сиқилган сабзи шарбати ичиринг. Шамоллаш жонингизга тегдими? Унда қирғичдан чиқарилган сабзи енг ёки сабзи шарбатини сут билан ичинг. Сабзи шарбати организмдан шамоллашни қайталатучи шилимшиқни чиқариб ташлайди.
3. Xотирангиз сустлашиб бораяптими? Майдаланган 2 ош қошиқ маврак ўтини 1 стакан қайнаган сувда дамлаб қўйинг. Кун давомида 2-3 марта ярим стакандан ичинг.
4. Юрак, буйрак, гепертония, шишиб кетиш касалликларида ёки уларнинг олдини олиш учун ҳафтада бир марта 300 гр. сули ёрмасидан тайёрланган шакарсиз, тузсиз бўтқани бешга бўлиб, кун давомида енг. Чой ўрнига эса наъматак дамламасидан ичинг.
5. Иммунитетни кўтариш ва организмни соғломлаштириш учун фойдага кон асалнинг ўзини эмас, уни гулчанги билан бирга истеъмол қилинг. Оч қоринга 1 чой қошиқ асал ва ярим чой қошиқ гулчангини аралаштириб енг.
6. Кўпроқ ёрқин рандаги мевалардан истеъмол қилинг. Биласизми, С витаминидан кўра апельсин ейиш фойдалироқ экан.
7. Кўп инсонлар сиқилганларида, тушкунликка тушиб қолганларида ташвишларини овқат ейиш билан унутгилари келади. Кўп ва асабда ейилган овқат ҳазм ҳам бўлмайди, организмга фойда ҳам келтирмайди. Сизнинг ичингизда бўшлиқни тўлдиришга овқатнинг умуман алоқаси йўқ.
Доим соғ бўлинг!
T.me/medicine_uz
Medicine.Uz💉💊
2019-04-25 

☘ Ozmoqchimisiz? Unda bu mahsulotlardan voz kechmang ☘. Qanday ozish kerak?

Ochlikka qanday barham berish lozim kabi savollar ko‘pchilikni qiziqtirishi tabiiy. Biroq ortiqcha yog‘lardan halos bo‘lish uchun hech qanday ochlikni boshdan kechirish shart emas. Shunchaki, moddalar almashinuvini yaxshilaydigan mahsulotlar iste’mol qilsangiz bas. Quyida bunday mahsulotlar sirasiga qaysilari kirishini Sabo gazetasi talqinida bilib olasiz.
☘ Ozish uchun yong‘oqlar ☘
Yer yong‘oq — uni bir ovqatlanish orasida iste’mol qilgan ma’qul. U moddalar almashinuvi hamda yog’ kislotalari faoliyatini yaxshilaydi. Xolesterinni kamaytiradi. 100 gr. Yeryong‘oq tarkibida 560 kaloriya mavjud. Shu sababli 10-12 dona yeryong‘oqni yeyish kifoya. Kuniga 50 gr.dan oshmasligi lozim. Biroq, yeryong‘oq allergiya qo‘zg‘atishi mumkinligini ham unutmang.
Bodom — kaliy, fosfor va temirga boy. U o‘zida ko‘pgina yog‘larni saqlasada, u odamni semirtirmaydigan yog‘lar sirasiga kiradi. Xolesterinlar miqdorini meyorlashtirib lipidlarni kamaytiradi. Kuniga 30 gr. Bodom yeyish maqsadga muvofiq.
Yong‘oq — Ko‘p miqdorda protein hamda omega-3 kislotasini o‘z tarkibida yong‘oqlar ham saqlaydi. Ozish istagida bo‘lganlar uchun yong‘oqlar juda foydali. Kuniga 2 dona yong‘oq yeyishlari mumkin.
☘ Ozish uchun mevalar ☘
Olma— Olma ham ozdiruvchi mahsulotlar qatorida mustahkam o‘rin tutadi. Ovqatdan keyin bitta olma yeyilsa yog‘larni organizmga singishi va qondagi qand miqdori ko‘payishining oldini oladi.
Noklarda ham oshqozon faoliyatini yaxshilaydigan toksin va og‘ir metallar mavjud. Nokda olmaga qaraganda ko‘proq fruktoza bor bo‘lib, chiroyli qomat uchun juda muhim.
Anjir — 2-3 dona meva iste’mol qilinganda ochlik hissi bartaraf bo‘ladi, kam kaloriyali meva hisoblanadi.
Ananas— oqsillarni yaxshi parchalab tezda hazm qiladi. Uni ovqatlanishdan oldin yegan ma’qul.
Kivi — arteriyalar faoliyatini yaxshilab, yog‘larni tanada to‘planmasligiga yordam beradi. Organizmni shlaklardan tozalab, xolesterinni kamaytiradi, modddalar almashinuvini yaxshilaydi. Bir dona kivi C vitaminiga bo‘lgan kunlik ehtiyojni to‘ldiradi.
Qulupnay, malina, smorodina — ular nafaqat qondagi qand miqdorini me’yorlashtiradi, balki hujayralarni yog‘lardan halos etib, ajin tushishining oldini oladi.
Ushbu maqolani ham o‘qing: Tongda qaynoq suv ichish foydalimi?
Quruq mevalar
Quruq mevalardan ham ozishda samarali foydalanish mumkin. Ularni ovqatlanish oraliqlarida choy bilan birga iste’mol qilish maqsadga muvofiq. Bularga o‘rik, xurmo, olma, olxo‘ri kabi mevalarning qoqisi, mayiz kiradi. Eng muhimi bunda me’yorni ushlay bilishdir. Kun davomida 50-150 gr. quritilgan mevalar yeyish mumkin.
☘ Ozish uchun sabzavotlar ☘
Sabzavotli salat — turli sabzavotlar yordamida tayyorlangan salat vitaminlarga boy bo‘lib, uni ozgina o‘simlik moyi va limon sharbati qo‘shib yeyish lozim. Bunday salatlarni ovqatan avval yeyish kerak.
Sabzavotli sho‘rva — karam va boshqa sabzavotlardan tayyorlangan qaynatma sho‘rva ham ozishga yordam beradi. Faqat kartoshkani bunday sho‘rvalarga qo‘shmagan ma’qul.
Karam — vitamin, mikroelementlarga boy. Biroq, kaloriyasi juda kam. U oshqozon-ichak faoliyatini yaxshilaydi.
Sabzi — sabzi va sabzi sharbati organizmda ortiqcha yog‘lar to‘planishining oldini oladi.
Qo‘ziqorin — xolesterinni kamaytirib, yog‘larni eritadi. Jigar uchun foydali. Parhezhdagilar uchun go‘sht o‘rniga qo‘ziqorin yeyish tavsiya qilinadi.
Ko‘katlar — yog‘lar almashinuvini faollashtirdi . Ularni quritilgan, muzlatilgan hollarda ham foydalanish mumkin.
Медицина канали👇👇
https://t.me/joinchat/AAAAAD9TtCI1yhcR8RNaOg
Medicine.Uz💉💊
2019-04-20 

☘ Emizikli ayol homilador bo‘lsa… ☘. Shifokorlar ikki homiladorlik o‘rtasidagi muddat kamida uch yil bo‘lishi kerak, deb bejiz ta’kidlashmaydi.

Zero, bu vaqt oralig‘ida ayol organizmi o‘zini tiklab olish hamda yetarlicha vitamin va mineral moddalar zaxirasini to‘plashga urinadi. Ko‘pchilikka ayonki, bolani emizish payti oy ko‘rmaganliklari sabab, ko‘pchilik onalar homiladorlikdan saqlanish haqida o‘ylab ham ko‘rishmaydi. Aslida esa go‘dakning kundalik taomnomasiga qo‘shimcha ozuqalar kiritilishi bilan organizmda yana ovulyatsiya holati tiklanishi, shubhasiz. Bu esa kutilmagan homiladorlikdan saqlanish kerak, deganidir.
So‘z — pediatr shifokorga!
Ayol bemavrid homilador bo‘lgach, laktatsiya jarayoni o‘z-o‘zidan to‘xtab qolmaydi — ona qo‘lidagi go‘dakni har qanday vaziyatda ham emizishga majbur. Ammo shunisi borki, homilador onaning sutida gormonal o‘zgarishlar tufayli laktoza miqdori kamayadi. Natriy esa orta borib, natijada, ko‘krak sutining ta’mi o‘zgaradi, ya’ni shirin bo‘lmay qoladi. Go‘dakka sutning yangicha mazasi yoqmagach, u emishdan bosh tortadi va injiqlana boshlaydi. Qolaversa, laktatsiya jarayonida homilador bo‘lib qolgan ayollarning 70 foizida ko‘krak suti miqdori kamayib ketadi. Shu bois har ikki holatda ham go‘dakka qo‘shimcha ozuqa va sut berish zarur.
Tavsiyamiz shuki…
Homiladorlik va emizish davrida ayol organizmi jismoniy, ruhiy hamda gormonal o‘zgarishlarga yuz tutadi. Emizikli go‘dagi bor ayol homilador bo‘lib qolsa, albatta, shifokor ko‘rigidan o‘tishi va keyinchalik nima qilishi lozimligi haqida jo‘yali maslahatlar olishi darkor. Shuningdek, bir qancha xavfli holatlarni ham ko‘zdan qochirmaslikni tavsiya etgan bo‘lardik. Yana ham aniqrog‘i, go‘dak emayotganida ona organizmi oksitotsin gormonini ishlab chiqara boshlaydi. Mazkur gormon bachadon qisqarishiga sabab bo‘lgani bois, homila tushishi xavfi bor. Umuman, bu borada ginekolog shifokorlarning ikki xil fikri mavjud.
Birinchisi, homilador ayol organizmigaoksitotsin gormoni homila 20 haftalik bo‘lguniga qadar ta’sir etmaydi. Ikkinchisi esa homilador ayolning to‘ng‘ich farzandni emizishda davom etishi ona uchun ham, emayotgan bola uchun ham xavflidir. Ayniqsa, bachadon miomasidan aziyat chekuvchilar va ilgari homila tushishini boshdan kechirganlar ehtiyot bo‘lishlari lozim. Bir so‘z bilan aytganda, homila ikkinchi uch oylik bo‘lguniga qadar birinchi farzandni emizmagan ma’qul.
Uch kishi uchun ovqatlanamiz!
Emizikli va shu bilan birga homilador ayol endi naq uch kishi uchun ovqatlanishi zarur. Xuddi egizaklarga homilador bo‘lganlar kabi ozuqaviy kuchi yuqori bo‘lgan taomlarni iste’mol qilish kerak. Ayniqsa, birinchi uch oylikda toksikoz kuzatilsa, o‘ta ehtiyotkor bo‘lish tavsiya etiladi. Ayol organizmi, birinchi navbatda, homilani, so‘ng emizikli go‘dakni va nihoyat o‘zini darmondorilar bilan ta’minlaydi.
Медицина канали 👇👇
https://t.me/joinchat/AAAAAD9TtCI1yhcR8RNaOg
Medicine.Uz💉💊
2019-04-18 

#Биласизми? 👨‍⚕ Шариатимизда даволанишга оид шаръий одоб ва ҳукмлар ҳақида маълумот:

1. Дардни ҳам шифони ҳам берувчи Аллоҳ таоло эканлигига эътиқод қилиш.
2. Ушбу дору дармонлар бир сабаб, деган эътиқодда бўлиш.
3. Касалнинг тузалишига сабаб бўлувчи табиб ва шифохоналарга бориш.
4. Киши нафсига хатарли бўлган касалликлардан даволаниш вожиб
эканлигини билиш.
5. Касалликка таслим бўлмасдан, уни даволашга киришиш – бу Аллоҳ таолога таваккал қилишнинг зидди эмаслигини билиш.
6. Мусулмон киши ҳар бир ҳалол таомини тановул қилишда шифо тилаб “Бисмиллаҳ” ни айтиши.
7. Агар дардни даволаш учун ҳалол нарсалардан шифо топилмаса ва ҳаром нарса даво бўлиши аниқ бўлса, у билан даволанишга истисно тариқасида рухсат борлигини билиш.
8. Эркаклар учун ҳаром қилинган ипак, тилло ва кумушларни даво учун ишлатиш жоиз эканлигини билиш.
9. Эркаклар қичима дардига йўлиққанларида тиббий мақсадларда ипак кийим кийсалар жоизлигига барча фуқаҳолар иттифоқ қилганлар.
10. Фуқаҳолар эркак киши тилло ёки кумушдан тиш қўйдириши жоизлигига иттифоқ қилганлар. Агар бир нечта бўлса ҳам майли, деганлар. Шунингдек, тишга тилло ёки кумуш қоплаш ҳам мумкин деганлар.
11. Ҳар бир жамият ўзларига етарли даражада табобат илмини ўрганувчи шифокорларни етиштириши шарт. Акс ҳолда, у жамиятдаги кишиларнинг барчаси гуноҳкор бўлади.
•┈•┈•┈•┈•❁☀️❁•┈•┈•┈•┈•
Каналимизга уланинг 👇
https://telegram.me/joinchat/AAAAAENwFkemWspBvvvGKQ